ერთი ქოჩორა ქათამი, თაგვი და იხვი ეზოში მიწას ქექავდნენ.

ქათამმა პურის მარცვალი იპოვა.

მოდი წისქვილში წავიღოთ, დავფქვათ და პური გამოვაცხოთ, - თქვა ქოჩორამ, ვინ წაიღებს?

მე არ წავიღებ! - თქვა თაგვმა, არც მე - თქვა იხვმა.

მე თვითონ წავიღებ! თქვა ქათამმა და წაიღო მარცვალი.

წყალს ვინ მოიტანს? - იკითხა ქათამმა.

მე არ მოვიტან! - თქვა იხვმა, არც მე, თქვა თაგვმა.

მე თვითონ მოვიტან! - თქვა ქათამმა და მოიტანა წყალი.

ცომს ვინ მოზელს? - იკითხა ქათამმა.

მე არ მოვზელ! - თქვა თაგვმა.  არც მე - თქვა იხვმა.

მე მოვზელ! - თქვა ქათამმა, მოზილა ცომი და გამოაცხო პური.

ვინ შეჭამს პურს? იკითხა ქათამმა. 

მე! თქვა თაგვმა. მეც! თქვა იხვმა.

უკაცრავად, პურს მე თვითონ შევჭამ! - თქვა ქოჩორა ქათამმა.