ერთ სახლში თაგვები გამრავლდნენ.
სახლის პატრონმა კატა გაიჩინა.
კატა ახირებული ზნის გამოდგა: ნაბიჯს ისე არ გადადგამდა, რომ ხმამაღლა არ დაეჩხავლა, - ვითომ, შემომხედეთ, რა გამრჯე ვარო.
ამის გამო თაგვები შორიდანვე იგებდნენ კატის მოახლოებას და სოროებში იმალებოდნენ.
ამ თავმომწონე კატამ ერთი თაგვიც ვერ დაიჭირა კარგა ხნის განმავლობაში .
სახლის პატრონი ადგა და მჩხავანა კატა გარეთ გააგდო.
