საფო მგელაძე - ჩემს სუსანას

სიზმრად გხედავ, გულში მეკვრი,

და ალერსი შენი წმინდა

სულით მალხენს, დამტიტინებს,

დედა მიყვარს, დედა მინდა!

რა თვალს ვახელ, გონს მოვდივარ,

შავი ფიქრი სისხლს მიყინავს:

შენი სუნთქვა აღარ მესმის...

ჩემთან ახლოს აღარ გძინავს!..

იქნება შენს პატარა გულს

აწუხებდეს რამე სევდა?

ნუ მოიწყენ უჩემობით,

გენაცვალოს შენი დედა!

მოვრჩები და ჩქარა მოვალ,

შენთვის ვიკრებ ღონეს, ძალას...

ჩემოგიტან წითელ ბურთებს

და ლურჯთვალა დედოფალას.

შეიძლება დაგაინტერესოთ