|
ბევრი წავიდა ჩვენგან ქართველი, ვინც საქართველოს - მშობელს ყვარობდა, მეც თავის დროზე გავემგზავრები იმ სამყაროში ამ სამყაროდან. გული დამწყდება ალბათ საოცრად, არა, ობოლი არ ვიყავ, მაგრამ ეს ჩემი კვერი გვიან გამოცხვა. და გავძლიერდი უფრო სამოყვროდ, ცხოვლად ვიგრძენი მავანთა შური, ღვარძლი, ბოღმა და სარმის გამოკვრა. ბოროტი სენი რომ არ შემყარა, მოყვასის მტრობით ანდა ფლიდობით, რა უნდა ვარგო აბა ქვეყანას. გული გატკინო, მამულ-დედულო, ისეთ საქციელს როგორ ჩავიდენ, როსმე შვილებმა მისაყვედურონ. ამოიზრდება ისევ ყლორტები, მაშ, ვიყო ერთი უბრალოდ წევრი მეც სათნოების ძველი ორდენის. ვინც საქართველოს - მშობელს ყვარობდა, მეც თავის დროზე გავემგზავრები იმ სამყაროში ამ სამყაროდან. |
