ჩვენ სულს გვიმღვრევდა მუდამ მესამე!

ამ გზებსაც ისევ მესამე ურევს,

რა გვემართება, შენი კვნესა მე,

გადაბრუნებულს ვერ ხედავ ურემს?

გზა ერთი ნათობს აქ - ერთობისა!

ვიდრე წვეთ-წვეთად ჩვენს სისხლს შესვამენ.

ნუ გამიხარებ მტერს, ჩემს მოსისხარს,

მხარი მომეცი, შენი კვნესა მე!

ვერ გრძნობ, ჩვენს შორის რა გესლს თესავენ?

მამულს ხელიდან როგორ გვაცლიან?

ძმა ხარ, დაფიქრდი, შენი კვნესა მე,

რა დროს შუღლია,

რა დროს ღვარძლია!