|
საქართველო მარტო მიწა არ არის და არც სია ძველ და ახალ ტაძართა. საქართველოდ მესახება ჭადარი, ჟამთარმწერი შაჰ-აბასის ხანძართა.
თითქოს მხოლოდ სიყვარულით აგებენ. ჩემს სამშობლოს, საცოდავს და დალეულს, დასაფლეთად შუბის ტარზე აგებენ.
ზარზმას მოსდევს სიონი და მთაწმინდა. ყველაფერი რომ სრულდება ბრბოს ნებით, არც ერთს ამის დაჯერება არ გვინდა.
მომავალიც სულ ცალ ფეხზე გვკიდია. რა ხანია ძველ მტრებთანაც შევთანხმდით რომ დავიტევთ, საქართველო დიდია...
მარტოდ-მარტო ეომება ყვავ-ყორნებს. ლაბასავით თვალები გვაქვს დახრილი და უფალიც შემწეობას აყოვნებს.
ჯირითობენ თემურ ლენგის მსტოვრები. დავითობა ყველა დროში რთულია, ნუთუ ჩვენ ვართ მისი დანატოვრები.
მეც დავარღვევ ტრადიციას იცოდეთ, და ვინც ეშმას ჩააბარეთ თავანი, ყველას ერთად ნაბუშრები გიწოდეთ. |
