|
ძველი ქართული ანდაზა იტყვის: "სოფელი დიდია!" რამ გაადიდა, ანდა სად? სოფელს ბოქლომი ჰკიდია! გაცლილა, გათხელებულა, ტყეს გადუვლია სოფელი, სოფელი - გატყევებულა. ცრის ნოემბერი მტირალა. გამახსენდება წვიმაში ბაბუაჩემი ფირანა. იტყოდა მხოლოდ მთავარზე: "აქიდანა და ჭიბრევს თხა გევიდოდა ყავარზე!.." ყავარზე წვიმა არ ცხრება, შებერებულა ხეხილი, მოლურჯო პური არ ცხვება, აღარ თესენ და არ ხნავენ, ქორწილზე არას ამბობენ, მარხვით - ჯერ კიდევ მარხავენ... არ წავიქცე და არ წავხდე - ლებანიქედის ბოლოში გიჟივით მარტო დავსახლდე!.. |
