მასპინძელი ოდა სახლის,

ულვაშს იგრეხს ჩიჩილაკი,

დაიხურა თავზე ვაშლი,

ტანთ ჩაიცვა კამფეტები:

- შემოსულა კალანდაო,

თოვლითა და თაფლკვერებით.

საშობაო ღვეზელს აცხობს:

- ხვავი შენ და ხვავი სტუმარს,

მდიდარი თუ მათხოვარი

შემობრძანდეს, ვისაც უნდა!

ჩიჩილაკო, ჩოხოსანო,

ბედის კვერი მოგორავსო.

მოუტეხე გაჭირვებულს,

მოხუცსა თუ ბავშვსა,

მთელ წელიწადს ნუ მოაკლებ

მაგ შენს ქართულ მადლსა.