|
ვდგევარ ბაღში... გული არ გრძნობს სიმარტოვეს... მხოლოდ მიკვირს - ტყემლებს რად აქვთ ფერი მკრთალი? ან მხარგაშლილ მობრიალე ატმის რტოებს ვინ შეუნთო გასაოცრად ცეცხლის ალი?
მე მაოცებს ეს ცეცხლი და თოვლის გროვა... თუ ცეცხლია - მარტო ატმებს წაეკიდა? თუ თოვლია - მარტო ტყემლებს დაათოვა?
თუ რა არის? რა სიმწვანე ფარავთ მხრებზე?.. - აპრილია! თურმე აპრილს შესძლებია: ტყემლებს თოვლით, ატმებს ცეცხლით ააფეთქებს! |
