|
ცა უწმინდესი თავზე დაგნათის და ლამაზი ხარ, როგორც ოცნება... შენ სხვა ხიბლი გაქვს და ანდამატი, მიტომ გიმღერეს დიდმა მგოსნებმა.
ხოტბას გასხამდნენ იეთიმ გურჯები, მათი სულების ამონაშუქით განათებულან შენი ქუჩები.
და მზე გიკოცნის კალთას მადლიანს აქ რა გამოლევს ბაგემღიმარეს, ბაგეტკბილსა და ბაგეთაფლიანს.
და მზისკენ იწევ ციურ კამარით, ხარ თვალწარმტაცი და მომნუსხველი, როგორც რუსთველის ლექსის ჯავარი.
და სიყვარულით ყველას გვაპურებ... შენ, ქართვლის დედის გლოცავს მანდილი და გორგასალის მზერა დაგყურებს. |
