|
ცხრაჯერ ჩავშალე ნაწნავი ქალმა კოშკიდან ამაყად, ცხრაჯერ ჩავშალე ნაწნავი, ერთხელ არავინ ამამყვა. ან ცხრაკლიტული რა იყო... კარი დავტოვე ღრიჭოდა, მაგრამ არც ერთხელ გაიღო. დავწურე მკერდის მტევნები, ფეხთ ვეცი მონადირეთა, სად იყო გამომდევნები?! ცხრაჯერ დუმილმა დამსუსხა, ჯავრით გულშეწუხებულსა არავინ გამეპასუხა. ქალმა კოშკიდან ამაყად, ცხრაჯერ ჩავშალე ნაწნავი, ერთხელ არავინ ამამყვა. |
