|
როგორც ჰამლეტი - წარმოდგენას თვითონ განაგებს ლურჯი საღამო - შავ ლორნეტით მოხეტიალე. ის თავის კუკლებს კაფეებში დაბანაკებს და ბალაგანის დაიწყება ჩქარი ტრიალი. ტრამვაებს შორის აჩრდილები კენტად დადიან, ცქერას დავიტკბობთ აჩრდილების ავი ფანდებით, თითქო ეს წუთი საოცარი სხვა პარადია. და უიმედოთ გვეკითხება ის მამის ბინას; ჩვენ კიდევ გვინდა ვემსახუროთ მას კატაფალკად, მაგრამ მოიწყენს და გაჰყვება ქალაქის სინას. შუადღის პანი ამართულა ვით ოქროს ბუდა: გამოკვეთილი ალმასიდან სდგას ტიციანი: ბრწყინავს პაოლო ბუმბერაზი და ნაღდი მუდამ. მახინჯი სახლი და წარწერა: ყანწელთა მორგი, სანახაობას აუტანელს ვეღარ უძელით და გავექეცით მოჩვენებას ხმა-დანაბორკი. |
