|
სიყვარული? - ხურავს! სიძულვილი - ტეხავს! - სიძულვილი ბადებს წიწამურს და ტეხასს... გევედრებით ყველას! - ტარიკოს და სანდროს, ანანოს და ეკას!... სიყვარული - ხურავს! ხედავთ? - აქეთ - თამარს, იქით - დიდ მოურავს! ვაჟას იას, დეკას... სიყვარული - ხურავს... სიძულვილი - ტეხავს... და არც ძუძუმტე ჰყავს... არ გადაშლის ოთხთავს... ყურს არ უგდებს ყურანს... სიძულვილი - ტეხავს... სიყვარული ბრმაა! სიყვარული - ხურავს... უცხო თავსაბურავს! ხედავ? - თუში ქალის ცრემლით ნაქსოვ თექას! მიჯნურობის ბურანს! - სიყვარული - ხურავს! სიძულვილი - ტეხავს... |
პოეზიის გვერდი • • •  • • • ტარიელ ჭანტურიას პოეზია |
