ასეთ ღამეში დუმილს ვეჩვევით,

ასეთ ღამეში ფანჯრებს აღებენ

და სიყვარულის ნაზი ელჩებიც

ასეთ ღამეში დაგვიძახებენ...

ალბათ ოლიმპოს მბრძანებელს ცეცხლი,

ასეთ ღამეში მოსტაცეს კაცთა;

ციდან იპნევა ოქრო და ვერცხლი,

მთვარე ღრუბლების კრაველებს გასცდა.

ასეთ ღამეში, ასეთ ღამეში,

ჩვენ არ გვაწუხებს კივილი ჭოტის,

ასეთ ღამეში, ასეთ ღამეში,

დუმილი სულის სიღრმიდან მოდის.

სიზმრის მეუფე სიზმრებს გვირიგებს,

გვთავაზობს მრავალ უცნაურ ამბავს

და პოეზიის უვალ ბილიკებს

ასეთ ღამეში მისდევენ ალბათ...