|
დახუჭე თვალი... წარმოიდგინე მარადისობის მყარი კარიბჭე: იქ სამყაროა შენზე მელოგინე, და თუ თადარიგს წინ-წინ დაიჭერ - გარდამავალი მთელში ნაწილი; მოიცავ სივრცეს თამაშ-თამაშით უფლის ნებასთან იყარო წილი. მაშინ უბრალოდ შენ გაწვიმდები... და შენ იცხოვრებ ქვეყნის გოდებით და შენ მოკვდები იმის იმედით, თავად სიკვდილის გარდაცვალება: შენ, სიცოცხლე და სიკვდილი მაშინ იქნებით, როგორც ერთში სამება - ვითარცა იყო, ვითარცა ითქვა: წინ გასასვლელი დაგხვდება ძელი და ყველა ერთად იქცევით სიტყვად. |
