|
აი, ეს მშვიდი სილამაზე უფრო მახელებს, ღირსჰყო ამგვარი სილამაზით ბუნებამ ქართლი, წყნარი სინაზე არის ასგზის დიადი მადლი, - ნელ-ნელ ედება რომლის ძალა ქართლის მნახველებს.
ჰა და ჰა, ალაპარაკდება ცხოველი სვეტი, ვეღარსად ნახავ შემოგარენს ამგვარად მეტყველს, აქ სისავსით და სიამაყით იცნობა მტკვარი.
აღარა გინდა ამ გრძნეული გარემოს მეტი, ყოვლის წინაშე მოიხარო, გწადია, ქედი...
ცოცხლებზე უფრო ცოცხლები და უფრორე მეტი და ჯვარი, უფლით დანთებული უქრობი კვარი. |
