თებერვალი მოვიდა -

ზამთრის სუსხი აღგავოს.

თებერვალი დადგაო,

ხეში წყალი ჩადგაო.

შეიშმუშნენ ხეები

ჯარად ჩამომდგარები.

ტყეში იამ, ენძელამ

გაახილეს თვალები.

ყური ჰყარა ბალახმა,

მწვანედ გაიშრიალა.

მზე მომძლავრდა, ურჩება 

მიწას ზამთრის იარა.

ზამთრის თეთრი ნაბადი

ნაფლეთებად ჰკიდია.

შუქი სჭარბობს სიბნელეს,

დღე ღამეზე დიდია.

მთესველებიც ესტუმრნენ

ველებს, შავად გადახნულს

მითხარ რა შეედრება

საქართველოს გაზაფხულს?!