|
რა კარგი იყო ქუჩა ბალახვნის, ხმები ისმოდა მრავალი არღნის, არ იყო მაშინ ავტომობილი, არცა ძახილი მაუდის ქარხნის.
მეეტლე მუშტარს უცდიდა ამ დროს. - ვინ მოხვალთ, ხონსუ, ხონსუ, ო, ხონსუ! - კოფოზე მდგარი გასძახდა მთა-გორს.
არვინ უსმენდა მეეტლეს ხონელს. - ვინ მოხვალთ, ხონსუ! - იძახდა, მაგრამ სჩანდა, ამაოდ ჰკარგავდა ღონეს.
მალე ჯიბემჭლე და თავშიშველი ლხენით, სიმღერით - იმ ხონის გზაზე მივქროდით მე და სარაჯიშვილი. |
ლექსები ქუთაისზე • • •  • • • გალაკტიონ ტაბიძის პოეზია |
