ამ ლურჯკაბიან მთებთან

ზღვა დაიჩოქებს ლოცვით,

მნათობი ფოთლებს ღებავს,

ტალღა ნაპირებს კოცნის.

აქ ოთხი დროა ერთად,

მზეა თუ ბროლის წვიმა,

ისე დაგლოცა ღმერთმა,

ზეცა ალერსად ცვივა!

თბილო ბათუმო, ტკბილო ნატვრის ახდომავ,

ქალაქს ანკარას გამკობს მარად ვარდობა,

ისე სათნო ხარ, კარგო, ისე სანდო ხარ,

მადლობა შენა ჯილდოდ, გულთა მადლობა.

ღიმილო, სილამაზევ,

ბაღო, ცრემლივით ჩუმო,

დღე ფერადებით გავსებს,

ღამეს რომ ეჩურჩულო.

თბილო ბათუმო, ტკბილო სურვილით ახდომავ...

ქალაქს ანკარას მოგრთავს მარად ვარდობა,

ისე სათნო ხარ, კარგო, ისე სანდო ხარ,

მადლობა შენა ჯილდოდ, გულთა მადლობა.