ზღვის და ცის შორის არის მსგავსება,

ისევ ქარია და დღე მზიანი.

შენგან არ ვითხოვ მე დაფასებას,

იყავი მხოლოდ ადამიანი.

ისევ თვალები და ცისკენ მზერა,

ისევ ქარია და დღე მზიანი.

იყავი კარგი, ხარ გაიძვერა

და შენში მოკვდა ადამიანი.

მივდივარ, მიმაქვს ფიქრი ასეთი,

ისევ ქარია და დღე მზიანი.

მე შენ სრულიად არ მაფასებდი

და შენში გაჰქრა ადამიანი.

ზღვის და ცის შორის არის მსგავსება,

ისევ ქარია და დღე მზიანი.

შენგან არ ვითხოვ მე დაფასებას,

იყავი მხოლოდ ადამიანი.