|
საქართველოს ყელყარყარა ლამაზებო, ერთი წუთით მიანებეთ საქმეს ხელი, ამოიღეთ, შენახული საგანგებოდ, ფარჩისა და აბრეშუმის სამოსელი.
თვალს ნუ ნაბავთ, ყელსაკიდით დაიმშვენეთ ბროლის ყელი, ოქრომკედით ამოქარგულ ქართულ კაბას ზედ სარტყელიც დასჭირდება ოქროსფერი.
მიჯნურებო ალვისტანა, ვისაც წრფელი სიყვარულით გული გიცემთ... დაიფიცეთ ვაჟკაცების მკლავის ძალა, მათი ხმალის ნაპერწკალი დაიფიცეთ.
თქვენი ძმები, ვისი გულიც სამშობლოზე ფიქრით ღელავს, ვინც აოტა სისხლიანი რაზმი მტრების და თავისი ქართველობა ასახელა.
ჩონგურები, აღუღუნეთ, დაე, გულზე მოგვეკიდოს ტრფობის ალი... თუმც ათასჯერ არბიეს და ანადგურეს, საქართველო ისევ ისე ლომი არის.
ქართულ ზეცას, მშობელ ზეცას მზე ნათელი, შუქმარადი... საზარელმა მტრის ურჩხულმა ვერ შელეწა გოლიათი კავკასიის მუზარადი.
გოგონებო ალვისტანა, ვისაც წრფელი სიყვარულით გული გიცემთ, დაიფიცეთ ვაჟკაცების მკლავის ძალა, გამარჯვების ტკბილი წუთი დაიფიცეთ. |
