არც დედიკო მიჯერებს, 

არ მიჯერებს მამიკოც,

თოვლის ბაბუ, შენ მაინც

მომიყვანე დაიკო.

პირობას ვდებ, ყოველდღე

გამოვუცვლი პამპერსებს,

ფაფას ვაჭმევ დილიდან,

ვუწილადებ კამფეტებს.

სათამაშოდ არ მივცემ

არც ნუკას, არც მარიკოს,

ბარბის სახლში არ შესვან,

არაფერი ატკინონ.

თმებსაც არ გავუწეწავ,

არ დავუხევ კაბასაც,

არც ელენეს ვაჩუქებ,

სულელი ხომ არა ვარ?!

თოვლის ბაბუ, საჩუქრად

მეტს არაფერს არ ვითხოვ,

ნაძვის ხის ქვეშ დამისვი

ღამით ერთი დაიკო.